Entry tsikitsikinao (tsiky)
Part of speech noun tsikitsiky and pronoun
Examples Nisy tia nioty azy, ny tsikitsikinao dia lasany ! [1.291]

Entry Tsikitsikinao
Part of speech name (poem title) [full list]
Author Razakandraina Jean Verdi Salomon
Text 
Angamba tsikitsiky ho azy nalefanao tsy iniana…
Tsy takatrao ny halehibeny, tsy nampoizinao ny asany…
Voninkazo iny anefa, voninkazom-pifaliana…
Nisy tia nioty azy, ny tsikitsikinao dia lasany !

Dia lasany any aminy, nentiny any am-patoriana,
Nanofisany fitia, nanofisany hasambarana,
Nikaloan’ny fanahiny tsantatsantam-paniriana,
Nametrahany ny fony, nantenainy hifaharana !

Hisy angamba amin’ireny sahy hamboraka aminao
Ny fitiavana ao am-pony, nateraky ny tsikinao
Ka hivoady fa ianao no ho tokana hany tiany !

Hisy kosa any hangina, hitahiry ao anatiny
Ny fitia vokatr’iny mba ho raki-mandra-matiny,
Nofy anao enjehin-dava no ho sisa fifaliany !
Vocabulary 
Tables and plates All the titles

Updated on 2023/04/02